وزیر اعظم عمران خان ہزارہ موٹروے کے شاہ مقصود تا مانسہرہ کے حصے کا افتتاح آج کریں گے۔۔۔

وزیر اعظم عمران خان آج ہزارہ موٹروے کے حویلیاں-تھاکوٹ کے حصے کا افتتاح کریں گے۔واضح رہے کہ نہایت اہمیت کی حامل ہزارہ موٹروے جسکو ای-35 ایکسپریس وے بھی کہا جاتا ہے، سی پیک منصوبہ کے پراجیکٹس کی تکمیل کے بعد کمرشل ٹریفک کے لئے اہم روٹ ثابت ہوگا۔ وزیر اعظم عمران خان ہزارہ موٹروے کے شاہ مقصود تا مانسہرہ کے حصے کا افتتاح کریں گے جو کہ حویلیاں-تھاکوٹ کے نام سے جانا جاتا ہے۔ امید ظاہر کی جارہی ہے کہ اس روڑ کی تکمیل سے قرب و جوار کے علاقے جن میں حسن ابدال، ہری پور، حویلیاں، ایبٹ آباد اور مانسہرہ شامل ہیں ان خطوں کی ستّر لاکھ آبادی استفادہ حاصل کرے گی۔اسی طرح ہزارہ موٹروے کی تکمیل سے مانسہرہ، وادی ناران اور گلگت بلتستان تک رسائی اور آمدو رفت میں آسانیاں پیدا ہونگی اور اس سے ملک کا سیاحت کا شعبہ بھی مستحکم ہوگا۔