وزیر توانائی خرم دستگیر نے ہر مشکل وقت میں چین کی پاکستان کی بھرپور حمایت کو شاندار الفاظ میں سراہا۔

 وزیر توانائی خرم دستگیر نے پاکستان اور چین کے درمیان دوطرفہ تعلقات کی روز بہ روز مضبوطی کو خوش آئند قرار دیا ہے۔ ایچ وی ڈی سی کنورٹر سٹیشن بلوکی میں سی پیک منصوبے کے 10 سالہ سنگ میل کی مناسبت سے منعقدہ ایک تقریب سے خطاب کرتے ہوئے انہوں نے چین کی سدا بہار اور دیرینہ دوست کے طور پر تعریف کی جس نے ہرمشکل وقت میں پاکستان کو غیر متزلزل مدد فراہم کی ہے۔ وفاقی وزیر نے مزید کہا کہ وزیر اعظم شہباز شریف نے قوم کی توانائی کی ضروریات کو پورا کرنے کے لیے کروٹ ہائیڈرو پاور پراجیکٹ، نوا تھل، شنگھائی الیکٹرک 1320 میگاواٹ اور تھرکول پاور پلانٹ سمیت کئی اہم بجلی پیدا کرنے والے منصوبوں کا افتتاح کیا ہے۔