وزیر خارجہ شاہ محمود قریشی اور چینی سٹیٹ کونسلر وانگ ژی کی جانب سےعلاقائی امن و استحکام کےلیے بھرپور کردار ادا کرنے کے عزم کا اعادہ۔

وزیر خارجہ شاہ محمود قریشی اور ان کے چینی ہم منصب وزیر خارجہ اور سٹیٹ کونسلر وانگ ژی نے علاقائی صورتحال پر تبادلہ خیال کیا۔ وزیر خارجہ شاہ محمود قریشی نے اس بات پر روشنی ڈالی کہ ایک پرامن افغانستان پاکستان میں بھی امن کے لیے نیک شگون ثابت ہوگا جبکہ انہوں نے مزیدکہا کہ پاکستان نے ہمیشہ افغان امن عمل کی حمایت کی ہے۔ انہوں نے چینی وزیر خارجہ وانگ یی کو سفارتی مشنز کے عملے کے انخلا میں سہولت فراہم کرنے میں پاکستان کی غیر متزلزل کوششوں سے بھی آگاہ کیا۔ دونوں وزرائے خارجہ نے مشترکہ مقاصد کے فروغ کے لیے قریبی رابطہ قائم رکھنے پر اتفاق کیا۔