ویبینارمقررین کی علاقائی استحکام کو برقرار رکھنے کے لئے پاک چین تعاون کے کردار پر مفصل گفتگو۔

انسٹیٹیوٹ آف اسٹریٹیجک سٹیڈیز اسلام آباد (آئی ایس ایس آئی) میں چائینہ پاکستان سٹیڈی سنٹر (سی پی ایس سی) کے زیر اہتمام دوسرے پاکستان چین تھنک ٹینک ڈائیلاگ کے شرکاء نے پاک چین تعلقات کو پائیدار قرار دیتے ہوئے امید ظاہر کی کہ مستقبل میں ان میں مزید اضافہ ہوگا۔ ڈاکٹر طلعت شبیر نے دونوں ممالک کے درمیان تعاون کو سراہا جس کے نتیجے میں علاقائی استحکام ممکن ہورہا ہے۔ سفیر اعزاز احمد چوہدری ڈائریکٹر جنرل آئی ایس ایس آئی نے کہا کہ دو طرفہ تعاون جنوبی ایشیاء میں امن کو برقرار رکھنے کا ایک اہم محرک ہے۔