پارلیمانی کمیٹی برائےسی پیک خصوصی اقتصادی علاقوں پر عمل درآمد کے عمل کو تیز کرنے کے لئے کوشاں

سی پیک کے تحت ارلی ہارویسٹ منصوبوں پر عملدرآمد میں تیزی لانے کے لئے پارلیمانی کمیٹی برائے سی پیک نے متعلقہ حکام کو خصوصی اقتصادی علاقوں سے متعلق تمام امور کو ترجیحی بنیادوں پر حل کرنے کی ہدایت کی ہے۔تفصیلات کے مطابق پارلیمانی کمیٹی برائے سی پیک نے راشکئی ، دھابیجی اور فیصل آباد کے خصوصی اقتصادی علاقوں سے متعلق ٹیکسز اینڈ ڈیوٹیز کے امور پر تبادلہ خیال کیا ہے اور بورڈ آف انویسٹمنٹ (بی او آئی) ، سٹیٹ بینک آف پاکستان (ایس بی پی) اور فیڈرل بورڈ آف ریونیو (ایف بی آر) کو جلد سے جلد معاملات نمٹانے کی تجویز دی ہے۔ جبکہ کمیٹی نے نیشنل ہائی وے اتھارٹی (این ایچ اے) کو بھی ہدایت کی ہے کہ منصوبوں کی مقررہ وقت پر تکمیل کو یقینی بنایا جائے۔