پاکستانی سفیرخلیل ہاشمی کا ثقافتی تبادلوں اور عوامی سطح پر اقدامات کی اہمیت پر زور

شین ژن میوزیم میں “شاہراہ ریشم کے ساتھ گندھارا ورثہ- پاک چین مشترکہ نمائش “کے عنوان سے نمائش کی اختتامی تقریب اتوار کو منعقد ہوئی۔چین میں پاکستان کے سفیر خلیل ہاشمی، گوانگ ژو میں قائم مقام قونصل جنرل، بیجنگ میں پاکستانی سفارت خانے اور گوانگ ژو میں پاکستانی قونصلیٹ جنرل کے حکام نے تقریب میں پاکستان کی نمائندگی کی جبکہ سینئر چینی حکام بشمول پیلس میوزیم کے ڈائریکٹر وانگ ژو دونگ،شین ژن کے ثقافت، ریڈیو، ٹیلی ویژن، سیاحت اور کھیلوں کے بیورو کے ڈائریکٹر زینگ ژانگلائی، گانسو صوبائی عجائب گھر کے ڈائریکٹر جیا جیان وی اور شین ژن میوزیم کے ڈائریکٹر ہوانگ چن نے نمائش میں شرکت کی ۔ چین کی تاریخ کی سب سے بڑی گندھارا نمائش میں پاکستان کے سات مختلف عجائب گھروں کے 170 سے زائد نوادرات کی نمائش کی گئی۔