پاکستانی سفیر معین الحق نے چائنا انٹرنیشنل فیئر فار ٹریڈ ان سروسز میں سی پیک تحت چین کے ساتھ تجارتی روابط مزیدبڑھانے کے عزم کا اظہار کیا۔

بیجنگ میں جاری چائنا انٹرنیشنل فیئر فار ٹریڈ اِن سروس (سی آئی ایف ٹی آئی ایس) کا مقصد پاکستان کی برآمدات میں اضافہ بالخصوص آئی ٹی، ای کامرس، فنانس اور لاجسٹکس میں معاونت کرنا ہے۔ چین میں پاکستان کے سفیر معین الحق نے چین کے ساتھ علاقائی روابط اور اقتصادی تعلقات کو فروغ دینے کی اہمیت پر زور دیا۔اس موقع پر ایس ٹی زیڈ اے، پی آئی اے، نیٹسول، این بی پی، این ایل سی اور دیگر سمیت مختلف پاکستانی اداروں نے بین الاقوامی سرمایہ کاروں کو راغب کرنے کے لیے پاکستان پویلین میں بوتھ قائم کیے۔ پاکستانی سفیر معین الحق نے چین کے ساتھ متعدد شعبوں میں تعاون پر پاکستان کی توجہ اور درہ خنجراب کو دونوں ممالک کے درمیان تجارت کے لیے ایک ہمہ موسمی زمینی راستہ بنانے کی کوششوں پر بھی روشنی ڈالی۔ چائنا انٹرنیشنل فیئر فار ٹریڈ ان سروسز ایونٹ جس کا موضوع “اوپننس لیڈز ڈیولپمنٹ، تعاون ایک جیت کا مستقبل بناتا ہے” ہے اور اس کی بین الاقوامی اہمیت کو ظاہر کرتے ہوئے 75 ممالک اور بین الاقوامی تنظیموں کے شرکاء نے شرکت کی۔