پاکستانی طلباء کی چین میں اپنی ثقافت کو فروغ دینے لئے کوششیں نہایت خوش آئیند۔۔۔

چین کے صوبہ سیچوان کے شہر شینڈو میں عوامی جمہوریہ چین کی ستّرویں سالگرہ کے حوالے سے منعقدہ تقریب میں پاکستان کے قائم مقام قونصل جنرل برائے شینڈو،صوبہ سیچوان محمود اختر محمود نے خصوصی طور پر شرکت کی۔اس رنگارنگ تقریب میں شینڈو شہر میں سکالر شپس پر زیرِ تعلیم پاکستانی طلباء نے بھی خصوصی طور پر شرکت کی۔اس موقع پر سیچوان یونیورسٹی کے پاکستان سٹیڈی سینٹر کے ڈائریکٹر جنرل پروفیسر سانگ زی ہوئی نے پاکستان اور چین کے دو طرفہ تعلقات پر تبادلہ خیال کرتے ہوئے کہا کہ دونوں ملکوں کو عوام کے درمیان قربتیں استوار کرنے کے علاوہ ثقافتی تبادلوں کو مزید فروغ دینے کی ضرورت ہے۔انہوں نے چین میں پاکستانی طلباء کی اپنی ثقافت کو فروغ دینے لئے کوششوں کو نہایت خوش آئیند قرار دیا جبکہ اس موقعے پرقائممقام قونصل جنرل کاکہنا تھاکہ بیلٹ اینڈ روڈ انشی ایٹیو اور اس سے جڑےسی پیک منصوبہ کے ثمرات کے سبب دونوں ملکوں کے درمیان ثقافتی تعلقات میں بھی بہتری آرہی ہے