پاکستان اورچین کوہِ قراقرم کے دامن سے گزرتی قدیم شاہراہِ ریشم کے ذریعے تجارت کومزید فروغ دینے کے لئے پُر عزم۔

چینی تجارتی ماہرین کے ایک وفد نے قراقرم میں دوطرفہ تجارت کو فروغ دینے کے لئے پاکستان کا دورہ کیا۔تفصیلات کے مطابق چینی تجارتی وفد اور پاکستانی عہدیداروں نے سہ روزہ مکالمے کے دوران موجودہ تجارتی حجم کا جائزہ لیا اور سرحدی تجارتی معاہدے کے تحت تبادلہ کے لئے مزید اشیاء کو شامل کرنے کی نئی تجاویز بھی دیں۔ چینی وفد نے دوطرفہ تجارت کے مواقع تلاش کرنے کے لئے گلگت بلتستان (جی بی) کی مارکیٹوں کا بھی دورہ کیا ہے۔