پاکستان اور چین سیاحت کو فروغ دینے کے لیے بھرپورتعاون کر رہے ہیں۔

۔2021ورلڈ ٹورازم سٹیز فیڈریشن (ڈبلیو ٹی سی ایف) فریگرینٹ ہلز ٹورزم سمٹ اور بیجنگ میں منعقدہ ورلڈ کانفرنس آن ٹورازم کوآپریشن اینڈ ڈویلپمنٹ سے خطاب کرتے ہوئے پاکستان کے سفیر معین الحق نے کہا ہےکہ پاکستان نے حال ہی میں چینی سیاحتی ایسوسی ایشنز کے ساتھ سیاحت سے متعلق ایک ایم او یو پر دستخط کیے ہیں۔ انہوں نے مزیدکہا کہ یہ شراکت داری دونوں ممالک کے درمیان دوطرفہ سیاحت میں نمایاں بہتری لائے گی۔ یہ سربراہی اجلاس شہری تعاون ، سمارٹ ٹرانسفارمیشن ، ماڈل انوویشن اور عالمی نقطہ نظر سے ترقی کے رجحانات کے ذریعے سیاحت کو بڑھانے پر مرکوز ہے۔پاکستانی سفیر معین الحق نے یہ بھی کہا کہ دونوں ممالک کے درمیان سیاحت تیزی سے آگے بڑھ رہی ہے اور نئے ایم او یو کے ساتھ ساتھ متعلقہ سیاحتی تنظیمیوں اور کمیٹیوں ، سازگار پالیسیوں کے ذریعے سے ویزا سہولت  اور سیاحت کی ترقی اور بحالی کو مزید وسعت دی جائے گی۔