پاکستان اور چین سی پیک کو درپیش ماحولیاتی مسائل اور آفات کا مل کر مقابلہ کریں گے۔

سی اے ایس کے انسٹیٹیوٹ آف ماؤنٹین ہارڈز اینڈ انوائرمنٹ (آئی ایم ایچ ای) کے ڈپٹی ڈائریکٹر جنرل ایس یو لیجن نے کہا ہے کہ پاکستان اور چین ارتھ سائنسز کے میدان میں تعاون کرسکتے ہیں۔ ان کا خیال ہے کہ سی پیک مغربی ہمالیہ کے ٹیکٹونک جنکشن پر واقع ہے اور اسی وجہ سے یہ زمینی علوم کے لئےلیبارٹری کی حیثیت رکھتا ہے۔ اس سلسلے میں چائینیز اکیڈمی آف سائنسز (سی اے ایس) اور ہائیر ایجوکیشن کمیشن (ایچ ای سی) نے حال ہی میں ارتھ سائنسز پر چین پاکستان جوائنٹ ریسرچ سینٹر شروع کیا ہے۔ یہ مرکز دونوں ممالک کے سائنس دانوں کو سی پیک کو درپیش آفات اور ماحولیاتی امور پر مشترکہ طور پر کام کرنے کا موقع فراہم کرےگا۔