پاکستان اور چین نے زرعی تعاون کو فروغ دینے کے لیے مفاہمت کی یاداشت پر دستخط کر دیئے۔

کنمنگ اور بیجنگ میں منعقدہ آن لائن معاہدے پر دستخط کی تقریب میں چین کی یونان اکیڈمی آف ایگریکلچرل سائنسز (وائی اے اے ایس) اور پاکستان ایگریکلچرل ریسرچ کونسل (پی اے آر سی) نے چین اور پاکستان کے درمیان زرعی تعاون کو بڑھانے کے لیے مفاہمت کی ایک یادداشت (ایم او یو) پر دستخط کیے۔ چین میں پاکستان کے سفیر معین الحق نے دونوں ممالک کے تعاون کے ثمرات کو سراہتے ہوئے کہا کہ انہیں نہایت خوشی ہے کہ چینی تجربات اور مہارتوں کے سبب پاکستان میں فصلوں کی اعلی پیداوار، پودوں کے تحفظ اور کیڑوں سے تحفظ کے اقدامات میں بہتری آئی ہے۔