پاکستان اور چین کے مابین غربت کے خاتمے کے لئے ایک معاہدے پر دستخط۔

پاکستان میں تعینات چینی سفیر نونگ رونگ نے وزیر اعظم کی معاون خصوصی برائے سماجی تحفظ اور انسداد غربت ڈاکٹر ثانیہ نشتر سے ملاقات کی اور غربت کے خاتمے سے متعلق ایم او یو پر دستخط کیے۔ ڈاکٹر ثانیہ نے چین کی غربت کے خاتمے کی حکمت عملی کی تعریف کی اور اسے بے مثال اور پاکستان کے لئے ایک نمونہ عمل قرار دیا۔ مزید برآں انہوں نے کہا کہ سی پیک جو ایک اہم منصوبہ ہے غربت کے خاتمے کے لئے پاکستان کی کوششوں میں معاون ثابت ہوگا۔