پاکستان تمام اسٹیک ہولڈرز کی مشترکہ کاوشوں کے ذریعے سی پیک کے تحت خوشحالی کے خواب کو پورا کرسکتا ہے، ماہر۔

ایکسپریس ٹریبیون میں شائع ہونے والے ایک مضمون میں انسٹیٹیوٹ آف اسٹریٹجک اسٹڈیز اسلام آباد کے چائینہ پاکستان اسٹڈی سنٹر کے ڈائریکٹر ڈاکٹر طلعت شبیر نے کہا ہے کہ ملک میں صنعتی ترقی کو فروغ دینے کے لئے سی پیک کے دوسرے مرحلے کے فوائد حاصل کرنے اور کاروباری انڈیکس میں آسانی پیدا کرنے کےمعیاری آپریٹنگ طریقہ کاروضع کرنے کی ضرورت ہے۔ انہوں نے کے پی خصوصی اقتصادی زونز ماڈل کی تعریف کرتے ہوئے کہا کہ اس کو ایک بنیادی فریم ورک کے طور پر لیا جاسکتا ہے جسے ملک میں کہیں بھی خصوصی اقتصادی زونز کا انتظام کرنے والے حکام ملحوظ نظر رکھتے ہیں۔ انہوں نے سرمایہ کاروں کی سہولت کے لئے ریگولیٹری عمل کو آسان بنانے اور ون ونڈو آپریشن کے قیام پر زور دیا۔ مزید برآں انہوں نے کہا کہ خصوصی اقتصادی علاقوں میں برآمدات پر مبنی صنعتوں کو قائم کرنے کی ضرورت ہے تاکہ وہ تجارتی عدم توازن کا مسئلہ حل ہو سکے۔