پاکستان سی پیک کے تحت جیو اکنامکس پر خاص توجہ دے رہا ہے، وزیر اعظم عمران خان۔

کمیونسٹ پارٹی آف چائینہ کی صد سالہ اور پاک چین سفارتی تعلقات کی سترویں سالگرہ کے موقع پر مبارکبادی پیغام پر مبنی یادگاری خط میں وزیر اعظم عمران خان نے کہا کہ پاکستان سی پیک کے تحت جیو اکنامکس کو خاص ترجیح دے رہا ہے۔ انہوں نے خصوصی اقتصادی زونز کے حوالے سے گفتگو کرتے ہوئے کہا کہ یہ علاقائی رابطہ اور اقتصادی اتحاد کی راہ ہموار کر رہے ہیں۔ انہوں نے اس بات پر روشنی ڈالی کہ پاکستان راہداری تجارت اور علاقائی رابطوں کو فروغ دینا چاہتا ہے۔ انہوں نے مزیدکہا کہ پاکستان سرمایہ کاری دوستی کو فروغ دینے کے لئے کام کر رہا ہے جس سے مقامی کاروباروں میں مدد ملے گی۔