پاکستان سی پیک کے تحت خصوصی اقتصادی زونزکو بجلی کی فراہمی کو یقینی بنانے کے لئے پُر عزم۔

وفاقی وزیر برائے توانائی عمر ایوب خان نے پاکستان میں چین کے سفیر نونگ رونگ سے ملاقات کے دوران سی پیک کے تحت قائم خصوصی اقتصادی زونز کو بجلی کی فراہمی کو یقینی بنانے کے پاکستان کے عزم کا اعادہ کیا۔ اس موقع پر وزیرِ توانائی کا کہنا تھا کہ یہ اقتصادی زونز کثیر معاشی سرگرمیاں پیدا کردیں گے جو روزگار کے مواقع پیدا کرنے کا باعث بنیں گے۔انہوں نے مزید کہا کہ حکومت چین پاکستان اقتصادی راہداری (سی پیک) منصوبے کے تحت خصوصی اقتصادی زونز کے قیام کے لئے بجلی اور توانائی کی فراہمی کو یقینی بنائے گی۔ چینی سفیرنونگ رونگ نے بجلی کی فراہمی کے حوالے سے وزارت اور حکومت کی کاوشوں کو سراہتے ہوئے کہا کہ چین سی پیک کے تحت توانائی کے شعبے میں پاکستان کے ساتھ کام کرنے کا خواہاں ہے۔