پاکستان نیشنل کونسل آف آرٹس میں چینی سالانہ فلم فیسٹیول کل سے شروع

وزارت اطلاعات کے اشتراک سے پاکستان نیشنل کونسل آف آرٹس میں چائنیز سالانہ فلم فیسٹیول کا رنگارنگ آغاز کل سے ہوگا۔ یہ فیسٹیول عوامی جمہوریہ چین کے انقلاب کے 70 سال اور پاک چین دوستی کے 68 سال کے مکمل ہونے کی یاد میں منعقد کیا گیا ہے.واضح رہے کہ اس طرز کے فلمی فیسٹیول سالانہ طور پر دنیا کے بڑے شہروں میں منعقد کیے جاتے ہیں اور پاکستان میں منعقدہ اس تقریب میں تین دن تک چینی فلمیں نمائش کےلئے پیش کی جائیں گی، جبکہ اس طرح کے فیسٹیول سی پیک منصوبہ کے ذریعے ثقافتی ہم آہنگی پیدا سے متعلق دونوں ملکوں کے اقدامات کے لئے بھی نہایت معاون ثابت ہونگے.