پاکستان نے سی پیک کے حوالے سے ہندوستان کے من گھڑت اور بے بنیاد پروپیگنڈے کو سختی سے مسترد کردیا۔

ایک سرکاری بیان میں وزارتِ خارجہ کے ترجمان زاہد حفیظ چودھری نے کہا ہے کہ بھارتی پروپیگنڈا سی پیک،خطے میں امن ، ترقی اور خوشحالی کے عمل کو نقصان نہیں پہنچا سکتا انہوں نے بی آر آئی کے فلیگ شپ منصوبے کے طور پر سی پیک کی اہمیت پر روشنی ڈالتے ہوئےکہا کہ اس سے سماجی و اقتصادی ترقی اور علاقائی رابطے کا خواب پورا ہو رہاہے۔ انہوں نے یہ بھی کہا کہ تمام ممالک ہندوستان کو افغانستان میں امن خراب کرنے والا ملک تصور کرتے ہیں۔