پاکستان چائینہ جوائینٹ چیمبر آف کامرس اینڈ انڈسٹری کی جانب سے پاکستان-چائینہ ٹیکنالوجی یونیورسٹی کے قیام کی تجویز۔۔۔۔

پاکستان چائینہ جوائینٹ چیمبر آف کامرس اینڈ انڈسٹری نے چین کے تعاون سے پاکستان میں پاکستان-چائینہ ٹیکنالوجی یونیورسٹی کے قیام کی تجویز پیش کی ہے۔پاکستان اور چین کے اس مشترکہ یونیورسٹی کے قیام کا بنیادی مقصد چین کی جدید ٹیکنالوجی سے پاکستان کو روشناس کرانے کے علاوہ منتقلی شامل ہے اور اس یونیورسٹی کی مدد سے مختلف شعبوں میں ایک نئی جہت کا آغاز ہوگا۔ پاکستان چائینہ جوائینٹ چیمبر آف کامرس اینڈ انڈسٹری کے صدر شاہ فیصل آفریدی نے ادارے کی جانب سے منعقدہ سیمینار میں پی سی جے سی سی آئی کے سینئر نائب صدر اور سیکریٹری جنرل کی موجودگی میں یونیورسٹی کے قیام سے متعلق منصوبے کا برملا اظہار کیا۔اس دوران جوائینٹ چیمبر کے سینئر نائب صدر احمد حسن کا کہنا تھا کہ دونوں ملکوں کے درمیان مشترکہ یونیورسٹی کے قیام سے نہ صرف جدید ٹیکنالوجی کی منتقلی کے مواقع میسر آئیں گے بلکہ تحقیق اور تعمیر و ترقی کے شعبے میں بھی تیزی آئے گی۔جبکہ تحقیق اور تعمیر و ترقی کے سلسلے کو دیگر یونیورسٹیوں اور کالجوں تک وسعت دینے سے تکنیکی ٹریننگ اور مالی معاونت بھی فراہم کرنے کے مواقع میسر آئینگے اور پاکستان میں کار جوئی کے عمل کو تیز کرنے میں مدد ملے گی۔