پاکستان چائینیزماڈل سے بھرپورفائدہ حاصل کرنے کے لیے اصلاحات متعارف کرا سکتا ہے،شکیل رامے

ایک اہم ماہر معاشیات جناب شکیل احمد رامے لکھتے ہیں کہ وزیر اعظم شہباز شریف نے کہا ہے کہ وہ چین کے معاشی اور سیاسی نظام سے استفادہ حاصل کرنے کے خواہاں ہیں۔ انہوں نے مزید کہا ہے کہ چین مکمل عمل جمہوریت پر عمل پیرا ہے،پالیسی کی تشکیل اور اس پر عمل درآمد کو یقینی بناتا ہے۔ وزیر اعظم شہباز کے مطابق اس سے سی پیک کے منصوبوں پر عملدرآمد میں مدد ملے گی۔ اپنے مضمون میں جناب شکیل رامے مزید لکھتے ہیں کہ اگر پاکستان چین سے سیکھنا چاہتا ہے تو اسے بتدریج اصلاحات اپنانے کی ضرورت ہوگی۔ ان اصلاحات کو نافذ کرکے، پاکستان سی پیک پر عمل درآمد کے عمل کو تیز کر سکتا ہے۔ انہوں نے نتیجہ اخذ کیا ہے کہ پاکستان سی پیک کے نفاذ کے لیے اصلاحات کو متعارف کروا کر تیزی لا سکتا ہے۔ اس سے پاکستان کو چین کے ساتھ تعاون اور چینی سرمایہ کاری کو مزید راغب کرنے کے لیے سازگار ماحول پیدا کرنے میں مدد ملے گی۔