پاکستان کی مقامی صنعت کو فروغ دینے کے لئے سی پیک کے تحت مین لائن ون ریلوے منصوبہ کلیدی کردار اداکرے گا۔

وزیر ریلوے شیخ رشید احمد نے سی پیک کے تحت مین لائن -1 (ایم ایل ون) کی منظوری کے لئے پاکستان میں سبکدوش ہونے والے چینی سفیر یاؤ جنگ کی کاوشوں کی شاندار الفاظ میں تعریف کی ہے۔ وفاقی وزیر نے ایم ایل ون منصوبے کو پاکستان کی معاشی ترقی کے لئے گیم چینجر قرار دیا۔ چینی سفیر یاؤ جِنگ نے ایم ایل ون ریلوے منصوبے کی منظوری پر اطمینان اور خوشی کا اظہار کیا اور زور دیا کہ اس سے روزگار کے کثیر مواقع پیدا ہوں گے اور پاکستان کی مقامی صنعت کو فروغ ملے گا۔