پاکستان کی چین کو برآمدات میں سال2021 کی پہلی سہ ماہی میں 69فیصد تک کااضافہ، پاکستانی سفیر معین الحق۔

 ایک ٹویٹ میں چین میں تعینات پاکستانی سفیر معین الحق نے انکشاف کیا ہے کہ سال 2021 کی پہلی سہ ماہی میں چین کو پاکستان کی برآمدات میں 60 فیصد سے زیادہ کا اضافہ ہوا ہے۔ انہوں نے مزید کہا کہ برآمدات کی مالیت 2021 میں 888 ملین امریکی ڈالر رہی جبکہ گذشتہ سال اسی عرصے میں یہ 526 ملین امریکی ڈالر تھی۔ انہوں نے اس سنگ میل کے حصول کے لئے حکومت کی کوششوں ، سفارتخانے کی ٹیم اور تمام قونصل خانوں کی تعریف کی۔ انہوں نے یہ کہتے ہوئے یہ نتیجہ اخذ کیا کہ انہیں امید ہے کہ 2021 میں ایک اور تاریخی ریکارڈ حاصل ہوگا۔