پاکستان کے تعلیمی نظام کو بہتر بنانے کے لیے جدید چینی ٹیکنالوجی کی مدد سے اسمارٹ کلاس رومز قائم کیے جائیں گے۔

ایک میڈیا رپورٹ کے مطابق چینی ٹیکنالوجی پر مبنی اسمارٹ کلاس رومز پاکستان کے تعلیمی نظام کی بہتری میں معاون ثابت ہوں گے۔ ‘اسمارٹ کلاس روم’ کے نام سے سی پیک منصوبہ پاکستان بھر کی 50 یونیورسٹیوں میں مقبولیت حاصل کر رہا ہے جو مستقبل قریب میں پاکستان کے تعلیمی نظام کو بہتر بنانے میں معاون ثابت ہوگا۔ چائنا ریلوے سگنل اینڈ کمیونیکیشن شنگھائی انجینئرنگ بیورو گروپ کمپنی لمیٹڈ کے پراجیکٹ مینیجر مسٹر چن چن کے مطابق سمارٹ کلاس رومز میں تدریس ایک ہی وقت میں آف لائن اور آن لائن دونوں طرح کی جا سکتی ہے اور وقت اور جگہ کی حدود کو عبور کرتے ہوئےاور استاد اورطلبہ کے درمیان روابط بہتر ہوتے ہیں۔ مزید برآں سی پیک پروجیکٹ کے سمارٹ کلاس رومز پاکستان بھر کی 50 یونیورسٹیوں میں مقبولیت حاصل کر رہے ہیں۔ 49 شہروں کے 50 سرکاری کالجوں میں کل 100 سمارٹ کلاس رومز قائم کیے جائیں گے۔