پاک چین تعاون مصنوعی ذہانت (اے آئی) ٹیکنالوجی کے استعمال کے ذریعے پاکستان میں اسمارٹ اور محفوظ شہروں کی تعمیر میں مددگار۔

A robot from the Artificial Intelligence and Intelligent Systems (AIIS) laboratory of Italy's National Interuniversity Consortium for Computer Science (CINI) is displayed at the 7th edition of the Maker Faire 2019, the greatest European event on innovation, on October 18, 2019 in Rome. (Photo by Andreas SOLARO / AFP) (Photo by ANDREAS SOLARO/AFP via Getty Images)

بیلٹ اینڈ روڈ انیشی ایٹو اورسی پیک کی مشترکہ تعمیر کے تناظر میں چینی اور پاکستانی محققین مصنوعی ذہانت (اے آئی) ٹیکنالوجی کے استعمال کے ذریعے پاکستان کو اسمارٹ اور محفوظ شہروں کی تعمیر میں مدد دے رہے ہیں۔ تفصیلات کے مطابق سال 2022 کے آغاز میں سی پی آئی این ایس لیب کو نسٹ اور گوانگڑو انسٹیٹیوٹ آف سافٹ ویئر ایپلی کیشن ٹیکنالوجی کی مشترکہ کاوشوں سے پاکستان نیشنل یونیورسٹی آف سائنس اینڈ ٹیکنالوجی (نسٹ) میں باضابطہ طور پر قائم کیا گیا ۔ اس وقت مختلف تحقیقات منظم انداز میں جاری ہیں۔ سی پی آئی این ایس لیب کے ڈائریکٹر ڈاکٹر وو جون کا کہنا ہے کہ ہم نے یو اے وی کنٹرول سسٹم اور اے آئی شناخت لوکلائزیشن جیسے شعبوں میں بڑی پیش رفت کی ہے، ہماری لیب پاکستان میں اسمارٹ شہروں کی ایپلی کیشن شروع کر رہی ہے۔ گوادر پرو کے مطابق اس پلیٹ فارم کے ذریعے ہمارے پختہ تحقیقی نتائج کو پاکستان میں مقامی منصوبوں کے ساتھ گہرا منسلک کیا جا سکتا ہے، جو مقامی حالات کے مطابق اسمارٹ سٹی سے متعلق مصنوعات اور ذہین حل فراہم کرتا ہے،ہم مقامی شہری نظم و نسق کی صلاحیت کو بہتر بنانے کے لئے اسمارٹ اسٹریٹ لائٹس اور اسمارٹ ویڈیوز جیسی بنیادی ٹیکنالوجیز اور مصنوعات کو موثر طریقے سے نافذ کرنے کے قابل ہیں۔