پاک چین تعلقات پائیداراور مستحکم ہیں،سیکریڑی خارجہ سہیل محمود کی چینی سفیر نونگ رونگ سے گفت و شنید۔

سیکریٹری خارجہ سہیل محمود نے پاکستان میں چین کے نئے سفیر نونگ رونگ سے ملاقات کی اور سدا بہار حکمت عملی اور تعاون پر مبنی شراکت داری کے لئے پاکستان کے عزم کا اعادہ کیا۔ انہوں نے کہا کہ سی پیک کے تحت جاری تمام منصوبوں کی تیز تر تکمیل کو یقینی بنانے کے لئے اقدامات کیے جا رہے ہیں۔ چینی سفیر نونگ رونگ نے اپنے مختار نامہ کی ایک کاپی پاکستانی وزارت خارجہ کے پروٹوکول ڈیپارٹمنٹ کے ڈائریکٹر جنرل حسن کو پیش کی۔واضح رہے کہ نئے چینی سفیر کی بین الاقوامی سطح پر ان کے میدان میں ان کی مہارت قابلِ تعریف ہے۔ انہیں مشرقی ایشیاء میں دو بندرگاہوں کی تعمیر کا سہرا بھی حاصل ہے۔