پاک چین آزمودہ دوستی کا بیش بہا رشتہ دوسرے ممالک کے لئے نمونہ عمل ہے،وزیراعلٰی خیبر پختونخواہ۔

عوامی جمہوریہ چین کے 71 ویں قومی دن “چین ونڈو” کے موقع پر منعقدہ تقریب سے خطاب کرتے ہوئے وزیراعلیٰ خیبرپختونخوا نے چین کے 71 ویں قومی دن پر دلی مبارکباد پیش کی۔ تفصیلات کے مطابق انہوں نے کہا کہ مشکل وقت میں چین ہمیشہ پاکستان کے شانہ بشانہ کھڑا رہا ہے اور وہ پاکستان کا سب سے قابل اعتماد دوست ہے۔بین الاقوامی تعلقات کے تناظر میں دوسرے ممالک کوپاک چین دوستی کے اس ماڈل کی پیروی کرنے کی ضرورت ہے۔ انہوں نے سی پیک کو ایک اہم پراجیکٹ قرار دیا جس سے دوستی کے اس رشتہ کو مزید تقویت ملے گی۔ مزید برآں انہوں نے کہا کہ ان کی حکومت سی پیک کے تحت اعلیٰ معیاری ترقی کو یقینی بنانے کے لئے اپنی صلاحیت کے مطابق تمام تر کاوشوں کو بروئے کار لا رہی ہے۔