پڑوسی ممالک کوافغانستان کو انسانی امداد فراہم کرنے کی اشد ضرورت۔

چین کے صوبہ انہوئی کے شہر تونشی میں افغانستان کے ہمسایہ ممالک کے وزرائے خارجہ کے اجلاس کے بعد جاری ہونے والے مشترکہ بیان کے مطابق، ممالک نے افغانستان میں انسانی صورتحال کے ساتھ ساتھ ملک کے معاشی مسائل پر گہری تشویش کا اظہار کیا۔ سربراہی اجلاس میں سات ممالک کے وزرائے خارجہ یا سینئر نمائندوں نے شرکت کی جن میں چین، ایران، پاکستان، روس، تاجکستان، ترکمانستان اور ازبکستان کے نمائندگی شامل تھی۔ اس میں شامل فریقوں نے بین الاقوامی برادری خاص طور پر اقوام متحدہ کی ایجنسیوں اور اقوام متحدہ کی سلامتی کونسل کے متعلقہ اراکین پر زور دیا کہ وہ افغانستان کے لوگوں کے لیے ہنگامی انسانی امداد میں اضافہ کریں۔