پی سی جے سی سی آئی اور سی اے ایف ٹی ای سی کے درمیان تجارت اور ترقی کے مواقعوں کو بہتر بنانے کے معاہدے پر دستخط۔

پاک چین جوائنٹ چیمبر آف کامرس اینڈ انڈسٹری (پی سی جے سی سی آئی) اور چینگڈو ایسوسی ایشن برائے غیر ملکی تجارت و اقتصادی تعاون (سی اے ایف ٹی ای سی) نے دونوں ممالک کی تجارت اور ترقی کو فروغ دینے کے لئے ایک معاہدے پر دستخط کیے ہیں۔ پی سی جے سی سی آئی کے صدر ایس ایم نوید نے کہا کہ پی سی جے سی سی آئی چین کے تجربات کو تکنیکی ترقی کے میدان میں پاکستان کے ساتھ شیئر کرنے اور چینی سرمایہ کاروں کے لئے کاروباری ماحول کو بہتر بنانے کے لئے کوشاں ہے۔ اسی طرح سی اے ایف ٹی ای سی ای کے سیکریٹری جنرل مسٹر چن ژاؤ نے کہا کہ سی اے ایف ٹی ای سی پاکستانی حکام کے ساتھ ہم آہنگی کے لئےکام کر رہا ہے تاکہ سرمایہ کاروں کو کاروبار کے لئے بہتر پلیٹ فارم مہیا کیا جاسکے۔