چیئرمین سی پیک اتھارٹی سی پیک کے تحت بلوچستان میں مزید منصوبوں کو شامل کرنے کے لئے پُرعزم۔

چیئرمین سی پیک اتھارٹی لیفٹیننٹ جنرل (ر)عاصم سلیم باجوہ نے بلوچستان بورڈ آف انویسٹمنٹ کے چیف ایگزیکٹو فرمان زرکون سے ملاقات کی ہے جس میں بلوچستان کی سماجی و اقتصادی ترقی سے متعلق مختلف پہلوؤں پر تبادلہ خیال کیا گیا۔ اس اجلاس میں بلوچستان میں ماہی گیری کے لئے خصوصی اقتصادی زون کے قیام کی تجویز پر غور کیا گیا۔ اس ملاقات کے دوران چیئرمین نے سی پیک کے تحت بلوچستان میں مزید منصوبوں کو شامل کرنے کے عزم کا اظہار کیا۔