چینی سفیر برائے پاکستان یاؤ جنگ کا لاہور میں تیسرے چینی ویزا سینٹر کا افتتاح۔۔۔۔۔

APP11-23 LAHORE: September 23 – Chinese Ambassador Yao Jing and Chief Secretary Punjab Yousaf Naseem Khokhar cutting ribbon to inaugurate Chinese Visa Application Service at Gerry’s Visa office in Lahore to facilitate the business community, students and tourists of Punjab. APP photo by Ch Mubarak

چین نے ویزا کے خواہشمد امیدواروں خصوصاً چین کی سیاحت میں دلچسپی رکھنے والے افراد کے لئےآسانیاں پیدا کرنے کے ساتھ ساتھ بہترین سہولیات فراہم کرنے کے لئے لاہور میں تیسرے ویزا سینٹر کا قیام عمل میں لایا ہے۔تفصیلات کے مطابق چینی سفیر یاؤ جنگ نے لاہور میں ویزا سینٹر کا افتتاح کیا ہے ۔اس موقعے پر چینی قونصل جنرل برائے لاہور،ڈپٹی قونصل جنرل کے علاوہ کئی چینی سفارتکار موجود تھے۔لاہور میں چین کے ویزا سینٹر کے قیام سے وقت اور اخراجات کی بچت ہوگی جس کے سبب تاجروں اور طلباء کو ویزا کے حصول میں آسانیاں پیدا ہونگی۔جبکہ لاہور کا چینی ویزا سینٹر چین،ہانگ کانگ اور ماکائو کے لئے ویزا کے حصول کی درخواستیں جمع کرے گا لیکن ویزا کے اجراء کا حتمی اختیار چینی سفارت خانہ اسلام آباد کو ہی حاصل ہے۔واضح رہے کہ اسلام آباد میں موجود چینی سفارت خانہ مہینے میں 4000 ویزا کےحصول کی درخواستوں کی پیش رفت کے عمل کو یقینی بناتا ہے۔