چینی سفیر نونگ رونگ اور وزیر خزانہ شوکت ترین کی جانب سے سی پیک پر کام کی پیش رفت تیز کرنے کی ضرورت پر زور۔

چینی سفیر نونگ رونگ نے وزیر خزانہ اور محصولات شوکت ترین سے خصوصی ملاقات کی اور اس موقع پر انہوں نے خصوصی اقتصادی زون (ایس ای زیڈ) کے قیام پر کام کی پیش رفت تیز کرنے کی اہمیت پر زور دیا۔اس ملاقات کے دوران وزیر شوکت ترین نے باہمی تعلقات کو مزید مستحکم کرنے کی ضرورت پر زور دیتے ہوئے کہاکہ خصوصی اقتصادی زونز پاکستان میں روزگار اور سرمایہ کاری کے کثیر مواقع مواقع پیدا کریں گے۔ انہوں نے مزید کہا کہ مشترکہ تعاون کمیٹی (جے سی سی) کو فعال کر دیا گیا ہے اور 60 ارب امریکی ڈالر کی سرمایہ کاری تیزی سے بنیادی ڈھانچے کی ترقی ، توانائی کے منصوبوں اور بڑے پیمانے پر پیداوار کو یقینی بنانے کی راہ پر گامزن ہے۔