چینی سفیر نونگ رونگ کی وزیر اعلٰی بلوچستان سے اہم ملاقات۔

چینی سفیر نونگ رونگ سے گفتگو کرتے ہوئے بلوچستان کے وزیر اعلٰی جام کمال خان الیانی نے کہا ہے کہ ان کی حکومت معدنیات ، ماہی گیری ، زراعت اور گلہ بانی کے شعبوں میں چینی تعاون اور صوبے میں فنی پیشہ ورانہ تربیتی مراکز کے قیام کے لئے فائدہ اٹھانا چاہتی ہے۔ مزید برآں اجلاس میں مختلف شعبوں میں تعاون بڑھانے ، گوادر اور صوبے کے دیگر علاقوں میں سی پیک منصوبوں کی جلد تکمیل اور دوطرفہ تعلقات کو فروغ دینے کے اقدامات پر تبادلہ خیال کیا گیا۔ وزیر اعلی جام کمال الیانی نے کہا کہ گوادر انٹر نیشنل ایئر پورٹ کی جلد تکمیل سے خطے میں ترقی کے نئے دور کا آغاز ہوگا اور اس سے گوادر میں غیر ملکی سرمایہ کاری کو راغب کرنے میں بھی مدد ملے گی۔ انہوں نے چینی کمپنیوں کو بھی بلوچیستان میں سرمایہ کاری کی دعوت دی اور انہیں زیادہ سے زیادہ سہولیات کی فراہمی کی یقین دہانی کرائی۔ چینی سفیر نونگ نے صوبائی حکومت کی جانب سے وزیراعلیٰ جام کمال الیانی کی سربراہی میں بلوچستان میں ترقی کے لئے اٹھائے گئے اقدامات کو سراہا۔