چینی صدر کا دورہ سعودی عرب سی پیک منصوبے میں سرمایہ کاری کے فروغ کا موجب بنے گا،ماہرین

بیجنگ میں خدمات سر انجام دینے والے سابق سفیروں اور بین الاقوامی ماہرین کا کہنا ہے کہ چینی صدر شی جن پنگ کا رواں ہفتے سعودی عرب کے دورے سے سی پیک منصوبے میں مزید سرمایہ کاری کا امکان ہے۔ سعودی عرب اور چین کے درمیان 29.3 ارب ڈالر سے زائد مالیت کے 20 سے زائد معاہدوں پر دستخط کیے جانے کی توقع ہے اور وہ سعودی کے ویژن 2030 اور چین کے بی آر آئی، شی جن پنگ کے دستخط شدہ انفراسٹرکچر سرمایہ کاری کے اقدام کو ہم آہنگ کرنے کے منصوبے پر تبادلہ خیال کریں گے۔