چینی صدر کا پاکستان میں خودکش بم دھماکے پر صدر مملکت ڈاکٹر عارف علوی سے اظہار تعزیت

چین کے صدر شی چن پھنگ نے صوبہ خیبرپختونخوا میں خودکش بم دھماکے پر صدر مملکت ڈاکٹر عارف علوی سے اظہارِ تعزیت کیا ہے۔ اپنے پیغام میں چینی صدر نے کہا کہ انہیں خودکش بم دھماکے کے واقعے کے بارے میں جان کر افسوس ہوا، جس میں بھاری جانی نقصان ہوا۔ چینی صدر نے حکومتِ چین اور چینی عوام کی جانب سے بم دھماکے میں جاں بحق ہونے والے افراد کے لواحقین سے دلی تعزیت کا اظہار کیا۔ اپنے پیغام میں انہوں نے کہا کہ چین ہر قسم کی دہشت گردی کی مخالفت کرتا ہے اور اس حملے کی شدید مذمت کرتا ہے۔ چینی صدر کا کہنا تھا کہ چین، انسدادِ دہشت گردی کے قومی ایکشن پلان کو فروغ دینے اور علاقائی اور عالمی امن و سلامتی کے مشترکہ تحفظ کے لیے پاکستان کی بھرپور حمایت جاری رکھے گا۔ دوسری جانب چین کے وزیر اعظم لی چھیانگ نے بھی وزیر اعظم محمد شہباز شریف کو تعزیتی پیغام ارسال کیا۔