چینی محققین پاکستان کے زرعی شعبے کی ترقی میں اپنا بھرپور کردار ادا کریں گے،وفاقی وزیر فخر امام۔

ذرائع ابلاغ سے گفتگو کرتے ہوئے وفاقی وزیر برائے نیشنل فوڈ سیکیورٹی اینڈ ریسرچ سید فخر امام نے کہا ہے کہ سی پیک کے دوسرے مرحلے میں ملک کے تحقیقی اداروں کو چینی تعاون سے اپ گریڈ کیا جائے گا۔ انہوں نے مزیدکہا کہ اس اپ گریڈیشن سے مختلف فصلوں کی پیداوار میں اضافہ ہوگا۔ تفصیلات دیتے ہوئے انہوں نے کہا کہ چینی اہم محققین پاکستان کا دورہ کریں گے اور بیجوں کے معیار کو بہتر بنانے اور نامیاتی کاشتکاری کے لئے ملک بھر کے مختلف اداروں میں مقامی ماہرین کے ساتھ کام کریں گے۔ انہوں نے یہ بھی کہا کہ فصل کی پیداوار میں بہتری آنے کے ساتھ ہی تمام کاشتکاروں کا معیارِ زندگی بھی بہتر ہوگا۔