چینی معیشت کی کشتی کسی صورت نہیں لڑکھڑائی۔۔۔۔۔چینی سفیر برائے پاکستان۔

 چینی سفیر برائے پاکستان یاؤ جنگ نے ایک دفعہ پھر خوش دلی سے کرونا وائرس سےنمٹنے کے عمل میں پاکستانی حکومت اور عوام کی مدد کا خصوصی شکریہ ادا کیا ہے۔انہوں نے مزید کہا کہ بین الاقوامی سطح کے معتبر اور اہم اداروں جن میں ورلڈ ہیلتھ آرگنائزیشن،یونائیٹڈ نیشنز اور آئی ایم ایف شامل ہیں نے وبائی مرض کے باعث پیدا ہونے وال صورتحال میں چین کے موثر اقدامات کا اعتراف کیا ہے اور چین کی اقتصادی ترقی کے حوالے سے ثابت قدم رہنے پر اطمینان کا اظہار کیا ہے۔چین اس وقت وبائی مرض کے سبب جاں بحق ہونے والوں سے زیادہ مرض سے متاثرہ افراد کی بحالی کے لئے مصروفِ عمل ہے۔اس کے بعد وبائی مرض کے حوالے سے پھیلائی گئی غلط اور بے بنیاد افواہوں کا تدارک کرنا ہے۔جبکہ چینی حکومت کرونا وائرس سے متاثرہ افراد کی بحالی کے لئے بلا تقریق ملک ونسل تمام ممکن اقدامات اٹھا رہی ہے۔اس کے علاوہ چینی سفیر برائے پاکستان ہاؤ جنگ نے مشکل وقت میں پاکستانی طلباء کی بھرپور مدد کو شاندار الفاظ میں سراہا اور جلد چین کے مشکل وقت سے چھٹکارا پانے کے عزم کا اظہار کیا۔