چینی ملازمین سی پیک پراجیکٹس کے محفوظ نفاذ کو یقینی بنانے کے لئے ‘ڈبل قرنطینہ’ کی پالیسی پر عمل پیرا ہیں۔۔ترجمان،دفترِ خارجہ۔

پاکستان کے دفتر خارجہ کی ترجمان عائشہ فاروقی نے کووڈ-19کےوبائی مرض کے پھیلنے کے دوران چین کی حمایت کو شاندار الفاظ میں سراہا ہے۔ سی پیک کی بروقت تکمیل کو یقینی بنانے کے حوالے سے ان کا کہنا تھاکہ حکومت سی پیک پر کووڈ-19کے اثرات کے پیشِ نظر بہترین ممکنہ اقدامات اٹھا رہی ہے۔ انہوں نے مزید کہا کہ سی پیک کے پراجیکٹس میں کام کرنے والے چینی ملازمین ‘ڈبل قرنطینہ’ کی پالیسی پر عمل پیرا ہیں کیونکہ وہ پاکستان روانگی سے قبل اپنے ہی ملک میں قرنطینہ کی مدت پوری کر چکےہیں اور پاکستان آمد کے بعدبھی قرنطینہ میں رہےہیں۔