چینی نائب وزیر خارجہ لُو زاؤ ہوئی کی عہدے سے سبکدوش ہونے والے پاکستانی سفیرمسعود خالد سے ملاقات……دو طرفہ تعلقات کومستحکم کرنے کے عزم کا اظہار

چین میں متعین پاکستانی سفیر مسعود خالد چھ سال کی مدتِ ملازمت مکمل کرنے کے بعد عہدے سے سبکدوش ہوگئے.چین کے نائب وزیر خارجہ لُو زاؤ ہوئی نے دفتر طلبی کے دوران مسعود خالد سے ملاقات میں پیشہ ورانہ امور کی انجام دہی کے دوران پاکستان اور چین کے سفارتی تعلقات کو مضبوط و مستحکم کرنے میں انکے نہایت اہم کردار کو شاندار الفاظ میں سراہا.اس دوران مسعود خالد نے مسقبل میں بھی دو طرفہ تعلقات کو مزید مضبوط کرنے کے لئے اپنی کاوشوں کو بروئے کار لانے کے عزم کااعادہ کیا. واضح رہے کہ عہدے سے سبکدوش ہونے والے پاکستانی سفیرمسعود خالد کاسی پیک منصوبہ کو کامیابی کی راہ پر گامزن کرنے میں نہایت اہم کردار رہا ہے