چینی ناظم الامور پینگ چنکسو نے سی پیک کو خوشحالی اور ترقی کا حامل اہم تاریخی منصوبہ قرار دےدیا

نیشنل انسٹیٹیوٹ آف میری ٹائم افیئرز (این آئی ایم اے) اور بحریہ یونیورسٹی نے چین پاکستان اقتصادی راہداری (سی پیک) کی 10 سالہ سالگرہ کے موقع پر “سی پیک – چیلنجز کے درمیان خوشحالی اور ترقی کی راہ” کے عنوان سے ایک بین الاقوامی سیمینار کا انعقاد کیا۔ چینی سفیر پینگ چنکسو نے تقریب میں شرکت کی اورسی پیک کو بیلٹ اینڈ روڈ انیشی ایٹو کے ایک تاریخی منصوبے کے طور پر سراہتے ہوئے اس کی کامیابیوں اور معاشی بہبود، روزگار اور لوگوں کی زندگی پر پڑنے والے مثبت اثرات کو اجاگر کیا۔ سیمینار میں سی پیک کی ترقی کے لیے پاکستان اور چین کے درمیان مسلسل شراکت داری اور تعاون پر زور دیا گیا۔