چینی وزیرخارجہ او آئی سی اجلاس میں بطور سپیشل گیسٹ شرکت کریں گے۔

پاکستان نے چینی وزیر خارجہ وانگ یی کو 48ویں او آئی سی وزرائے خارجہ کانفرنس میں شرکت کی دعوت دی ہے جو 22 سے 23 مارچ تک اسلام آباد میں منعقد ہو گی۔چینی وزیر خارجہ وانگ یی 21 مارچ کو تین روزہ سرکاری دورے پر پاکستان پہنچیں گے۔ وہ 23 مارچ کو یوم پاکستان کی پریڈ میں بھی شرکت کریں گے۔ او آئی سی کے اجلاس میں چین کے وزیر خارجہ تقریر بھی کریں گے۔ مزید برآں، چینی ایف ایم 23 مارچ کو پاکستان کے جدید ترین لڑاکا طیاروں جے-10 سی کی خصوصی پرواز کا مشاہدہ بھی کریں گے۔ وہ وزیراعظم عمران خان، صدر عارف علوی اور اپنے ہم منصب شاہ محمود قریشی سے ملاقات کریں گے اور دونوں ممالک کے درمیان دوطرفہ تعلقات کا جائزہ لیں گے۔