چینی کمپنیوں کی ایک بڑی تعداد نے پاکستان کو طبی سازوسامان عطیہ کیا۔

چین نے کووڈ-19 سے نمٹنے کے لئے اپنی طبی امداد کا سلسلہ جاری رکھتے ہوئےپاکستان کو طبی سازو سامان کی ایک اور کھیپ بھیج دی ہے۔تفصیلات کے مطابق چینی کمپنیوں اور مختلف اداروں کی ایک بڑی تعداد کے ذریعہ عطیہ کردہ سامان میں وینٹی لیٹرز ، این 95 ماسک ، ایف ایف پی 2 ماسک ، حفاظتی لباس ، چشمے ، اور دیگر ضروری سامان شامل ہیں جن کو کووڈ-19 کی وبا پر قابو پانے اور اسے روکنے کے استعمال میں لایا جائے گا۔
علاوہ ازیں چین نے گوادر کے مستحق خاندانوں کو شمسی توانائی کے سامان اور خوراک کے پیکٹوں کاعطیہ دیا ہے تاکہ کووڈ -19 کے خلاف جنگ میں مدد مل سکے۔آل پاکستان چائنیز انٹرپرائززایسوسی ایشن نے انجمن ہلال احمر پاکستان اور پاکستان بیت المال کو کووڈ-19کی وبائی امراض سے متاثرہ ضرورت مند خاندانوں کی مدد کے لئے امدادی پیکیج دیا ہے۔ دریں اثناچائینہ تھری گورجز کارپوریشن(سی ٹی جی) نے بھی پاکستان کو 13 ٹن طبی سامان اور دیگر آلات کی ایک بہت بڑی امداد دی ہے۔طبی سازوسامان کی ان دو کھیپوں میں 750,000 سرجیکل ماسک ، وینٹی لیٹرز اور پروٹیکشن گاؤن شامل ہیں۔ پاکستان کو مادی اعانت کے علاوہ سی ٹی جی نے مشکل اوقات میں پاکستان کی جانب سے چین کی اخلاقی مدد کو بھی شاندار الفاظ میں سراہا ہے اور مستقبل میں کوویڈ 19 کا مقابلہ کرنے میں پاکستان کی مدد کرنے کے سلسلے کو جاری رکھنے پر آمادگی کا اظہار کیا ہے۔