چینی کمپنی سن واک گروپ پاکستان کے آپٹیکل فائبر نیٹ ورک میں 2 ارب ڈالر کی سرمایہ کاری کرے گی، وفاقی وزیر سید امین

ٹیلی کام انفراسٹرکچر میں مہارت رکھنے والی چینی کمپنی سن واک گروپ نے پاکستان کے ٹیلی کمیونیکیشن سیکٹر میں 2 ارب ڈالر کی سرمایہ کاری کرنے کا اعلان کیا ہے۔ یہ سرمایہ کاری ملک بھر میں 100,000 کلومیٹر طویل آپٹیکل فائبر نیٹ ورک کی تعمیر پر کی جائے گی۔ پاکستان میں ٹیلی کام انفراسٹرکچر فراہم کرنے والے (ٹی آئی پی) کے طور پر کام کرنے کے لیے لائسنس کی منظوری کے بعد، سن واک فائبر کیبل بچھانے اور اس منصوبے کو انجام دینے کے لیے تیار ہے۔ وفاقی وزیر برائے انفارمیشن ٹیکنالوجی و ٹیلی کمیونیکیشن سید امین الحق نے یہ اعلان سن واک گروپ کے چیئرمین ہوو زنگوانگ اور کمپنی کے وفد سے ملاقات کے دوران کیا۔