چینی کمپنی کی جانب سے پاکستان میں ٹڈیوں کےحملوں سے نمٹنے کے لئے ڈرون تیار کرنے کی پیشکش۔

چینی قیادت اور عوام کی جانب سے کووڈ- 19 اور ٹڈیوں کے حملوں کے خلاف جنگ میں پاکستان کی حمایت کا سلسلہ جاری ہے۔تفصیلات کے مطابق چین کی بیجنگ اینڈون ایکوپمنٹ کمپنی لمیٹڈ نامی معروف ادارہ ٹڈیوں کے حملوں سے نمٹنے کے لئے پاکستان کی مدد کا خواہاں ہے۔ اس کمپنی نے ڈرون تیار کرنے کے لئے پاکستان میں ایک صنعتی یونٹ قائم کرنے پر آمادگی ظاہر کی ہے جو پودوں کے تحفظ کے لئے اور مختلف غیر متوقع آفات اور ہنگامی صورتحال پر قابو پانے میں کارآمد ثابت ہوسکتی ہے۔جبکہ یہ بات قابل ذکر ہے کہ کمپنی پاکستان میں آفات پر تیزی سےقابو پانے کے عمل اور استعداد کو مستحکم کرنے کے لئے معاون ثابت ہوگی۔