چین میں منعقدہ سمارٹ ڈیزاسٹر پریوینشن کانفرنس میں چین پاکستان تعاون کے امکانات پر تبادلہ خیال

چین پاکستان بیلٹ اینڈ روڈ انیشی ایٹو (بی آر آئی) کی مشترکہ لیبارٹری کی پہلی تعلیمی کانفرنس چین کے شہر نانجنگ میں بڑے انفراسٹرکچر کے سمارٹ ڈیزاسٹر پریوینشن پر منعقد ہوئی جس میں دونوں ممالک کے درمیان تعاون کو اجاگر کیا گیا۔ چین میں پاکستان کے سفارتخانے میں سائنس اور ٹیکنالوجی کے قونصلر خان محمد وزیر کا اس حوالے سے کہنا ہے کہ کانفرنس میں نئی ٹیکنالوجیز پر تبادلہ خیال کیا گیا جو قدرتی آفات سے بڑے انفراسٹرکچر کو بچانے کے لیے استعمال کی جا سکتی ہیں اور اس میں چین اور پاکستان دونوں کے متعدد ماہرین نے شرکت کی۔ یہ تقریب چین اور پاکستان کے درمیان دوطرفہ تعلقات کی مضبوطی اور بیلٹ اینڈ روڑ انیشی ایٹیو کے لیے ان کے عزم کی نشاندہی کرتی ہے۔