چین نے افغانستان پر پاکستان کے ٹرائیکا اجلاس کی حمایت کر دی۔

چینی وزارت خارجہ کے ترجمان وانگ وین بن نے کہا ہے کہ چین کے خصوصی سفیر برائے افغان امور یو ژیاؤونگ آج افغان صورتحال پر پاکستان کی میزبانی میں منعقد ہونے والے اجلاس میں شرکت کے لیے ایک وفد کی قیادت کریں گے۔تفصیلات کے مطابق پریس بریفنگ کے دوران ترجمان وین بن نے مزید کہا کہ چین پاکستان اور علاقائی استحکام کے لیے تمام کوششوں کی حمایت کرتا ہے۔واضح رہے کہ اس ٹرائیکا اجلاس کی صدارت وزیر خارجہ شاہ محمود قریشی اور قومی سلامتی کے مشیر معید یوسف کریں گے۔ امریکی محکمہ خارجہ کے خصوصی نمائندے اور نائب معاون وزیر برائے افغانستان تھامس ویسٹ اور روس کے خصوصی مندوب ضمیر کابلوف بھی اجلاس میں شرکت کریں گے۔