چین نے عالمی یوم ماحولیات کے موقع پر صدر ژی جن پنگ کے پیغام پر وزیر اعظم خان کے مثبت رد عمل کو خوش آئند قرار دے دیا۔

چینی وزارت خارجہ کے ترجمان وانگ وین بین نے 5 جون کو اسلام آباد میں منعقدہ عالمی یوم ماحولیات کے موقع پر صدر ژی جن پنگ کے مبارکبادی پیغام کے بارے میں وزیر اعظم عمران خان کے ردعمل کی تعریف کی ہے۔ انہوں نے کہا کہ چین اور پاکستان سدا بہار اسٹریٹجک کوآپریٹو پارٹنرز ہیں اور دونوں ایک بہتراور خوشحال دنیا کی تعمیر کے لئے عالمی ماحولیاتی حکمرانی کے لئے مل کر کام کرنے کو تیار ہیں۔ اس سے قبل ایک ٹویٹ میں وزیراعظم عمران خان نے صدر ژی جن پنگ کے پیغام پر شکریہ ادا کیا جسے تقریب کے دوران چینی سفیر نونگ رونگ نے پیش کیا تھا۔