چین نے پاکستان میں سی پیک سمارٹ یونیورسٹی منصوبے کے لئے 2 ارب روپے فراہم کرنے کا فیصلہ کر لیا۔

چین سی پیک منصوبہ کے تحت پاکستان کی سماجی و اقتصادی ترقی کو فروغ دینے میں کوشاں ہے اور چین نے سی پیک سمارٹ یونیورسٹی منصوبے کی تکمیل میں آسانی کے لئے 2.048 ارب روپے کی امدادی رقم مختص کرنے کا فیصلہ کیا ہے۔ اس منصوبے کا بنیادی مقصد نوجوانوں کو یونیورسٹی کی سطح پر جدید ترین ڈیجیٹل ٹیکنالوجی کے ساتھ متعارف کرانا ہے۔ اس منصوبے کے معاہدے کے تحت مجموعی طور پر 124 سرکاری یونیورسٹیوں میں 400 سمارٹ کلاس رومز قائم کیے جائیں گے اور پہلے مرحلے میں 50 سرکاری یونیورسٹیوں میں 200 کلاس رومز قائم ہونگے۔