چین-پاکستان اقتصادی راہداری کے تحت صنعت کاری کو فروغ دینے کے لئے 15 رکنی سی پیک بزنس کونسل تشکیل۔

سرمایہ کاری بورڈ (بورڈ آف انویسٹمنٹ) نے سی پیک کے دوسرے مرحلے میں صنعت کاری کا خیر مقدم کرنے کے لئے 15 رکنی سی پیک بزنس کونسل کی تشکیل نو کی ہے۔ اس کونسل میں پبلک سیکٹر اور بزنس کمیونٹی کے ممبران شامل ہیں۔ سرمایہ کاری بورڈ کے تحت مشاورتی گروپ کے قیام کا مقصد کاروباری برادری اور حکومت کے مابین سی پیک کے تحت نجی سرمایہ کاری سے متعلق امورپر ہم آہنگی پیدا کرنا ہے۔ یہ گروپ سی پیک کے تحت بنیادی طور پر زراعت ، ہاؤسنگ اور سیاحت میں صنعتی کاری کو تیز کرنے کے لئے اپنی کاوشوں کو بروئے کار لائے گا۔