چین پاکستان کی آم کی صنعت کو فروغ دینے میں مدد فراہم کرے گا،نی ژانگ گوانگ۔

ینان اکیڈمی آف ایگریکلچرل سائنسز کے ٹراپیکل اینڈ سب ٹراپییکل کراپس ریسرچ انسٹیٹیوٹ کے آم کے ماہر نی ژانگ گوانگ نے کہا ہے کہ آم کی صنعت کو فروغ دینے کے لئے چین پاکستان کے ساتھ تعاون کرے گا۔ انہوں نے مزیدکہا کہ اس ضمن میں ٹیلنٹ ایکسچینج ، مشترکہ پراجیکٹ ریسرچ اور نمائشی زون کی تعمیر کے ذریعے سے خاطر خواہ نتائج حاصل کیے جائیں گے۔ انہوں نے مزید کہا کہ پاکستان کی متعدد اقسام کو چین کی کاشت اور کیڑوں پر قابو پانے والی ٹیکنالوجی کے ساتھ مربوط کرنے سے آم کی اعلٰی درجے کی پیداوار ہوگی۔ انہوں نے روشنی ڈالی کہ یہ شراکت پاکستانی کسانوں کے لئے نہایت منافع بخش ہوسکتی ہے۔