چین کا کووڈ-19سے لڑنے میں مدد کے لئے کراچی کے لئے20,000 ماسک کا عطیہ۔

چین اور پاکستان سدا بہار سٹریٹیجک تعاون پر مبنی شراکت دار ہیں۔ ماضی سےدونوں ممالک کے درمیان مشکل وقت میں ایک دوسرے کے ساتھ تعاون اور مدد فراہم کرنے کی روایت قائم ہے اور چین کووڈ-19 کے خلاف جنگ میں پاکستان کو ترجیحی مدد فراہم کررہاہے۔ چینی شہر ژانگجیجی کے میئر لیو جیان نے کووڈ-19سے لڑنے میں مدد کے لئے 20,000 میڈیکل اور سرجیکل ماسک کراچی کمشنر کو دیئے ہیں۔ میئر لیو جین نے کمشنر کو ایک خط بھی لکھا ہے جس میں انہوں نےزانگجیجی اور کراچی کی سماجی و اقتصادی ترقی کے لئے تعاون کو فروغ دینے پر آمادگی کا اظہار کیا ہے۔ کمشنر نے عطیہ کرنے پرچینی حکومت سے تشکر کااظہار کیا ہے اور دونوں شہروں کے مابین باہمی تعلقات کو مستحکم کرنے پر اتفاق کیا ہے۔